كيف بدي أنساك

كيف بدي أنساك
وانت جوا قلبي
روحي والله بتهواك
ياخيي وبيي وحبي
وينك ياخيي بعيد
خليني لو لحظة كلمك
معقولة بيوم العيد
ماضمك وشمك
خيي انت ضحكتي
خيي انت دمعتي
وان غبت عني يوم
بضلك كلمتي
بمشي عدربك
وبطير بسربك
خيي يا ناصر الدين
قلبي علقلبك
قلبي بقلك
نياله كلك
وأكتر بعد بكتير
نيالها أمك
أم الحبايب
اللي قلبها دايب
والله يصبرها لقلب
عفراق الحبايب
روحها الحزينة
معمرة مدينة
ببعدك ياخيي كتير
ضاعت سنيني
وينها عيونك
ورفة جفونك
وينو ياخيي الدمع
وينها عيونك
وينو زمانك
وينها شجونك
ورد العمر ياويل
يابس بدونك
جوعان جيتك
عطشان سقيتك
دخيلك أرجع
وامسح الدمع
شارة النصر حرية
بإدينك أرفع